جہلم(چوہدری عابد محمود +مرزاقدیر بیگ)جہلم ڈپٹی کمشنرسیدہ رملہ علی کا اسلامیہ سکول اور سلیمان پارس کا دورہ، نالوں کی صفائی کا جائزہ لیا، موسم برسات سے قبل نالوں کی مکمل صفائی کو ہر صورت یقینی بنائیں گے شہر کے ہر علاقے میں نکاسی آب کی شکایات دور کررہے ہیں یہ بات ڈپٹی کمشنر جہلم سیدہ رملہ علی نے میونسپل کمیٹی افسران کے ساتھ شہر کے مختلف علاقوں میں جاری نالوں کی صفائی کا جائزہ لیتے ہوئے کہی۔ اس موقع پر ڈپٹی کمشنر نے اہل علاقہ سے ملاقات کی اور ان سے سیوریج کی شکایات بارے آگاہی حاصل کی۔ ڈپٹی کمشنر نے میونسپل کمیٹی حکام کو ہدایت کی کہ موسم برسات شروع ہونے سے قبل نالوں کی مکمل صفائی یقینی بنا کر نکاسی آب کا مسئلہ حل کیا جائے۔
