جہلم(چوہدری عابد محمود +چوہدری دانیال عابد)جہلم اساتذہ نے گرفتاریوں کیخلاف رد عمل دیتے ہوئے امتحانی ڈیوٹیوں کے بائیکاٹ کا اعلان کر دیا۔ اساتذہ نے موقف اپنایا کہ گزشتہ روز سے شروع ہونے والے انٹرمیڈیٹ کے امتحانات میں ڈیوٹیاں سر انجام نہیں دیں گے۔تفصیلات کے مطابق اساتذہ نے گرفتاریوں کیخلاف ردعمل دیتے ہوئے امتحانی ڈیوٹیوں کے بائیکاٹ کا اعلان کر دیا ہے۔اساتذہ کا اس حوالے سے کہنا ہے کہ گزشتہ روز 20 اکتوبر سے شروع ہونے والے انٹرمیڈیٹ امتحانات میں ڈیوٹیاں سر انجام نہیں دیں گے اور اگلے مرحلے میں پیپر سیٹنگ اور عملی امتحانات کی ڈیوٹیاں بھی نہیں کریں گے۔ٹیچرز کا کہنا ہے کہ جب تک ہمارے ساتھیوں کو رہا اور درج مقدمات خارج نہیں کئے جاتے ہمارا پرامن احتجاج جاری رہے گا، لیو انکیشمنٹ قانون میں تبدیلی بھی واپس لی جائے، گرفتاریوں اور معطلیوں سے گھبرانے والے نہیں۔
0
