ایتھنز (اے بی این نیوز)یونان کے سیاحتی جزیروں پر زلزلے کے ہزاروں جھٹکےمحسوس کئے گئے۔شدید زلزلے کے بعدسکولوں میں چھٹیاں دیدی، جبکہ سیاحوں کی آمد بھی رکنے کا خدشہ ظاہر کیا گیا ہے۔
عالمی خبر رساں ادارے کے مطابق 3 ہفتوں سے ڈیونیسیا کوبائیو نامی ٹیچر یونانی جزیرے امورگوس میں اپنے طالب علموں کی ’اضطراب اور تناؤ‘ سے نمٹ رہی ہیں، جہاں زلزلے کے ہزاروں جھٹکے محسوس کئے جا چکے ہیں۔
یونانی حکام نے امورگوس، اس کے مشہور ہمسایہ سانتورینی اور دیگر قریبی جزیروں پر واقع تمام اسکولوں کو کم از کم 21 فروری تک بند کر دیا۔یونیورسٹی آف ایتھنز (ای کے پی اے) کی زلزلہ پیما لیبارٹری کے مطابق 26 جنوری سے 14 فروری کے درمیان سائکلاڈس جزائر کے جزیروں پر 19 ہزار 200 سے زائد زلزلے ریکارڈ کیے گئے۔امورگوس اور 3 دیگر جزیروں پر 11 مارچ تک ہنگامی حالت نافذ ہے
گزشتہ روز ایمورگوس میں 5.1شدت کے زلزلے کے جھٹکے محسوس کیے گئے، زلزلے سے کوئی جانی یا مالی نقصان نہیں ہوا ہے اور حالیہ دنوں میں زلزلے کی شدت اور تعدد میں کمی آئی لیکن وہ اب بھی سائنسدانوں کو حیران کرتے ہیں۔
جزیرے کے کیفے اور وائن شاپس موسم سرما کے لیے بند ہیں، اور سفید پوش گنبدوں والے چیپلز کے درمیان صرف مینڈک اور بلی کے بچے ہی سنسان گلیوں میں زندگی کی جھلک پیش کرتے ہیں۔زیادہ تر زلزلے اتنے کمزور تھے کہ انہیں محسوس نہیں کیا جا سکتا تھا، لیکن 10 فروری کو 5.3 شدت کے زلزلے نے اعصاب کا امتحان لے لیا، جسے ایتھنز تک محسوس کیا گیا۔
امریکی فوج کی مدد کرنیوالے لاکھوں افغان شہری پھنس گئے ،ٹرمپ انتظامیہ کا آبادکاری سے انکار
The post یونان ، زلزلے کے ہزاروں جھٹکے، تمام سکولوں میں چھٹیاں ،ایمرجنسی نافذ appeared first on ABN News.
