راولپنڈی (اے بی این نیوز ) سٹی ٹریفک پولیس نے کرکٹ سٹیڈیم میں چیمپیئنز ٹرافی کرکٹ میچز کے حوالے سے جامع اور منظم ٹریفک پلان جاری کر دیا۔ ٹریفک پولیس کےن مطابق چیمپیئنز ٹرافی کرکٹ میچز 23 فروری تا 27 فروری 2025 تک راولپنڈی کرکٹ اسٹیڈیم میں کھیلے جائیں گے۔ دوران میچز و موومنٹ ٹریفک کو متبادل راستوں پر رواں دواں رکھنے کیلئے خصوصی انتظامات کیے گئے ہیں۔ چیف ٹریفک آفیسر راولپنڈی بینش فاطمہ نے بتا یا کہ
ٹریفک پولیس کے 367 سے زاہد افسران و اہلکارواں سپیشل ڈیوٹی کے فرائض سر انجام دیں گے۔ دوران میچز کرکٹ ٹیموں کی موومنٹ کے دوران ٹریفک کو متبادل راستوں پر رواں رکھنے کیلئے خصوصی انتظامات کیے گئے ہیں۔ پانچ مختلف جگہوں پر پارکنگ کی سہولیات فراہم کی گئی ہے۔ پارکنگ ایریا سے اسٹیڈیم تک رسائی کیلئے ضلعی انتظامیہ کی جانب سے شٹل سروس کی سہولت فراہم کی جائے گی۔ کرکٹ ٹیموں کی سٹیڈیم آمد اور روانگی کے وقت مری روڈ کو فیض آباد سے ڈبل روڈ تک مکمل طور پر بند کیا جائے گا۔
اس دوران اسلام آباد سے آنے والی ٹریفک کو فیض آباد سے ایکسپریس وے کی جانب ڈائیورٹ کیا جائیگا ۔ دوران موومنٹ راولپنڈی سے اسلام آباد جانے والی ٹریفک براستہ چاندنی چوک ، رحمان آباد اور 6thروڈ سے سید پورروڈ کا استعمال کرتے ہوئے اسلام آباد داخل ہو سکے گی ۔
غوثیہ چوک سے آنے والی ٹریفک کو براستہ فاروق اعظم روڈ، کری روڈ کی طرف ڈائیورٹ کیا جائے گا۔ دوران میچ اسٹیڈیم روڈ 9th ایونیو چوک سے ڈبل روڈ ٹرن تک دونوں اطراف سے ٹریفک کیلئے مکمل طور پر بند ہو گی۔
اسلام آباد9th ایوینیو سے آنے والی ٹریفک براستہ فیض آباد ایکسپریس وے اور IJP روڈ سے پنڈورہ چونگی، کٹاریاں، کیرج فیکٹری،پیر ودہائی موڑ،چک مدد سے راولپنڈی میں داخل ہو سکے گی۔ راولپنڈی سے ڈبل رو ڈ براستہ 9th ایونیواسلام آباد جانے والی ٹریفک براستہ مری روڈ فیض آباد سے اسلام آباد داخل ہو سکے گی۔
ٹریفک پولیس کے آفیشل سوشل میڈیا پیجز @ctprwp اورایف ایم ریڈیو اسٹیشن کے ذریعے بھی شہریوں کو ڈائیورشن پوائنٹس اورٹریفک صورتحال کے متعلق بھی لمحہ با لمحہ آگاہی فراہم کی جائیگی ۔ ٹریفک پولیس راولپنڈی شہریوں کی سہولت اور ٹریفک کی بلا رکاوٹ روانی کیلئے ہمہ وقت کوشاں ہے۔
ٹیموں کی سیکورٹی اور شہر میں ٹریفک کی بلا تعطل روانی سیکیورٹی اداروں و ٹریفک پولیس سے زیادہ شہریوں کے تعاون سے مشروط ہے۔
مزید پڑھیں :رمضان المبارک کی آمد،چینی کے حوالے سے اہم خبر سامنے آگئی، جانئے کتنی سستی ملے گی
The post چیمپیئنز ٹرافی،راولپنڈی میں 23 فروری تا 27 فروری کو کرکٹ میلہ سجے گا، ٹریفک پلان جاری appeared first on ABN News.
