مستحق افرادکو بھکاری بجانے کی بجائے پیروں پر کھڑا کرنا احسن اقدام ہے۔پیر سلطان نیاز الحسن سروری قادری،حاجی ریاض

پنڈ دادنخان (ملک ظہیر اعوان)مستحق افراد کی مدد اس انداز میں کی جائے کہ وہ اپنی مدد آپ کے تحت اپنے پیروں پر کھڑے ھو جائیں اور وہ خود کما کر اپنی بیوی بچوں کا پیٹ بھر سکیں مستحق افراد کو بھکاری بنانے کے بحائے ان کی خوداری کو مد نظر رکھتے ھوئے انہیں روز گار فراہم کرنے میں مدد ہی ایک احسن اقدام ھے اسلامک ہیلپ یو کے اور ایچ ایم سی ٹی نے۔ہمیشہ مستحق افراد کو اپنی مدد آپ کے تحت روز گار سکیمیں فراہم کی ہیں تا کہ وہ خود اپنے پاؤں یر کھڑے ھو سکیں ان خیالات کا اظہار چیرمین اسلامک ہیلپ صاحبزادہ پیر سلطان نیاز الحسن سروری قادری اور ایچ ایم سی ٹی کے رہنما حاجی ریاض نے غریب اور مستحق افراد میں روز گار سکیم کے تحت چنگ چی رکشے فری تقسیم کرنے کی پروقار تقریب سے کرتے ھوئے کیا اس موقع پر تحصیل صدر حضرت سلطان باھو ٹرسٹ عبدالحفیظ ساقی نے خطاب کرتے ھوئے کہا کہ مکمل تحقیقات اور جانچ پڑتال کے بعد 10 ایسے افراد کی نشاندھی کی گئی جن کا کوئی ذریعہ معاش نہ تھا اور وہ اپنے بچوں اور والدین کا پیٹ بمشکل پالتے تھے،اکثر کی نوبت فاقوں تک آ جاتی تھی ایسے 10 افراد کو پہلی قسط کے طور پر اسلامک ہیلپ اور ایچ ایم سی ٹی نے اپنی ٹیم کی خفیہ تحقیقات کے بعد منتخب کیا اور انہیں کاروبار کیلئے چنگ چی رکشے ایک پروقار تقریب میں تقسیم کئے گئے تقریب میں محمد عمیر عاصم خلیل آفتاب نذر میاں غالب عابد قریشی اصغر قادری امداد علی اور دیگر نے بھی شرکت کی۔