پنڈدادنخان(ملک ظہیر اعوان)
تحصیل پنڈ دادن خان کے گورنمنٹ ہائی سکول پنڈی سید پور میں پاکستان آرمڈ فورسز کی بھارتی فورسز کے خلاف شاندار فتح پر یوم اظہار تشکر منایا گیا۔
جس میں طلباء و اساتذہ نے پاکستان کی بری، بحری اور فضائی افواج کو زبردست خراج تحسین پیش کیا۔ اظہار تشکر کے اس پروگرام میں سکول ٹیچر جناب محمد صفدر نے زبردست جذباتی تقریر سے طلباء و اساتذہ کے خون کو گرمایا اس دوران سکول کی فضاء پاک فوج اور سالار لشکر جنرل عاصم منیر کے نعروں سے گونجتی رہی۔ اس کے بعد رئیس مدرسہ جناب جاوید اقبال نے بھی پاک افواج کی بہادری اور مہارت کے گن گائے۔ آخر میں سکول کے سینئر ٹیچر جناب فضل حسین کی طرف سے طلباء و اساتذہ کے درمیان مٹھائی تقسیم کی گئی۔
0
