جہلم(چوہدری عابد محمود +سید ناصر حسین شاہ)جہلم شہر و مضافاتی علاقوں میں بجلی کی غیر اعلانیہ لوڈ شیڈنگ کا سلسلہ جاری، شہریوں کے معمولات زندگی اور کارروبار پر بری طرح متاثر، آئیسکو سرکل جہلم اربن سب ڈویژن کے فیڈر عباس پورہ کے صارفین سراپا احتجاج ہیں۔تفصیلات کے مطابق آئیسکو سرکل جہلم کی اربن سب ڈویژن میں جنگل کا قانون نافذ،صارفین کا چیف انجینئر اسلام آباد سے نوٹس لینے کا مطالبہ۔ تفصیلات کے مطابق جہلم اربن سب ڈویژن میں غیر اعلانیہ طویل دورانئے کی لوڈ شیڈنگ کا سلسلہ شروع ہے،دن اور شام کے اوقات میں بجلی کی لوڈشیڈنگ کا سلسلہ جاری ہے۔صارفین کا اس حوالے سے کہنا ہے کہ شہرسمیت ملحقہ علاقوں میں غیر اعلانیہ لوڈ شیڈنگ کیوجہ سے صارفین کے معمولات زندگی بری طرح متاثر ہو رہے ہیں۔ مرمت کے بہانے، دن اور رات کے اوقات میں متعدد مرتبہ بجلی بند کر دی جاتی ہے جس کیوجہ سے بجلی کے کارروبار سے وابستہ افراد بری طرح متاثر ہو رہے ہیں۔صارفین کا کہنا ہے کہ آئیسکو سرکل اربن سب ڈویژن ریکوری بھی بھرپورانداز میں کررہی ہے لیکن اس کے باوجود واپڈا کے ذمہ داران جب چاہیں بجلی بند کرکے صارفین کی مشکلات میں اضافے کا سبب بنتے ہیں۔صارفین نے وزیر اعظم پاکستان، وفاقی وزیر پانی و بجلی سے مطالبہ کیا ہے کہ آئیسکو سرکل اربن سب ڈویژن جہلم کے فیڈر عباس پورہ میں نافذ جنگل کے قانون کے خاتمے کے لئے نوٹس لیکر غیر اعلانیہ لوڈشیڈنگ کے خاتمے کے احکامات جاری کئے جائیں تاکہ شہری معمولات زندگی جاری رکھ سکیں۔
0
