پنڈ دادن خان (بیورو چیف ملک ظہیر اعوان )وزیر اعلیٰ پنجاب محترمہ مریم نواز شریف کا غریبوں کے لیے نہایت ہی احسن اقدام ، غریب مریضوں کے علاج کے لیے غریبوں کی دہلیز پر پہنچ گیا ، فیلڈ ہسپتال تحصیل پنڈ دادن خان میں کام شروع کر دیا پنجاب حکومت کی جانب سے قائم کردہ فیلڈ ہسپتال نے گزشتہ روز ڈھڈی پھپھرہ میں خدمات سر انجام دیں اس سلسلہ میں آغا سید سعادت حسین ،آغا سید کرامت مہدی اور چوہدری نوازش حسین کی سرپرستی میں آغا ہاؤس پر ہیلتھ کیمپ لگایا گیا جس سے سیکڑوں مریض مستفید ہوئے۔ فیلڈ ہسپتال میں گورنمنٹ آف پنجاب کی جانب سے الٹرا ساؤنڈ اور ای سی جی سمیت میڈیکل لیب کی تمام سہولیات و ادویات مفت فراہم کی گئیں جس پر عوام نے وزیراعلی پنجاب مریم نواز شریف کا بے حد شکریہ ادا کیا
0
