دوسرا سالانہ جانباز سپر سکس کرکٹ ٹورنامنٹ اختتام پذیر ہو گیا

پنڈدادنخان( ملک ظہیر اعوان) پنڈ داد ن خان کے علاقہ ٹوبھہ کے افضل کمپلیکس سپورٹس سٹیڈیم میں کھیلا جانے والا دوسرا سالانہ جانباز سپر سکس کرکٹ ٹورنامنٹ اختتام پذیر ہو گیا ٹورنامنٹ میں علاقہ بھر سے 16 ٹیموں نے حصہ لیا ٹورنامنٹ کئی روز تک جاری رہا کندوال الیون نے بہترین کھیل کا مظاہرہ کرتے ہوئے کرکٹ ٹورنامنٹ جیت لیا ۔
ٹوبھہ میں کھیلے جانے والے سپر سکس کرکٹ ٹورنامنٹ کا فائنل میچ المنہاج کرکٹ کلب ٹوبھہ اور کندوال الیون کے درمیان کھیلا گیا کندوال الیون نے ٹاس جیت کر پہلے بیٹنگ کی اور پانچ اوورز میں جارحانہ بیٹنگ کرتے ہوئے 82 رنز بنائے جب کہ المنہاج کرکٹ کلب کی ٹیم صرف 50 رنز بنا سکی ٹورنامنٹ کے اختتام پر مہمان خصوصی بیورو چیف اوصاف اینڈ اے بی این نیوز پنڈ دادن خان ملک ظہیرا عوان ، مسلم لیگ نون کے رہنما اسلم کونسلر اور ملک بابر اعوان نے پہلی پوزیشن حاصل کرنے والی ٹیم کندوال الیون کے کپٹن کو 12 ہزار روپے نقد اور ٹرافی انعام دی جبکہ دوسرے نمبر پر انے والی ٹیم المنہاج کرکٹ کلب ٹوبھہ کے کپٹن سلطان احمد سروری قادری کو 6 ہزار روپے نقد انعام اور ٹرافی دی اور دیگر کھلاڑیوں میں نقد انعامات اور ٹرافیاں تقسیم کیں اختتامی تقریب میں فیصل جٹ اور عامر نمبردار بھی شریک ہوئے