دینہ ،ختم پر آنے والے ماں بیٹا کو تیز رفتار ٹرک نے کچل کر ہلاک کر دیا

دینہ (سہیل انجم قریشی سے) دینہ جی ٹی روڈ پر ٹریفک کا خوفناک حادثہ،ختم پر آنے والے ماں بیٹا کو تیز رفتار ٹرک نے کچل کر ہلاک کر دیا حادثہ اتنا شدید تھا کہ ماں بیٹا موقع پر ہی جاں بحق ہو گئے ریسکیو 1122 نے موقع پر پہنچ گئی اور جاں بحق ہونے والے ماں بیٹا کی ڈیڈ باڈیز کو ہسپتال منتقل کیا ، ٹرک ڈرائیور موقع سے گاڑی چھوڑ کر فرار ہو گیا پولیس نے رپورٹ درج کر کے ٹرک ڈرائیور کی تلاش شروع کر دی ماں بیٹے کی میتیں گھر پہنچنے پر کہرام مچ گیا ۔ تفصیلات کے مطابق دینہ جی ٹی روڈ پر ٹریفک کا خوفناک حادثہ پیش آیا ، تیز رفتار ٹرک نمبری MD-AX361نے دینہ جی ٹی روڈ ہائیر سیکنڈری سکول کے سامنے آگے جانے والے موٹرسائیکل سوار نمبری JML2123 کو ٹکر مار دی جس سے موٹرسائیکل پر سوار ماں بیٹا موقع پر ہی جاں بحق ہو گئے ، حادثہ میں جاں بحق ہونے والا 36سالہ شخص قیصر محمود ولد محمد الٰہی سکنہ کالا دیو پنڈ رتوال تحصیل و ضلع جہلم اپنی والدہ کے ہمراہ موٹرسائیکل پر دینہ ختم میں شرکت کے لیے آ رہا تھا کہ حادثے کا شکار ہو گیا ، حادثہ اتنا شدید تھا کہ تیز رفتار ٹرک ماں بیٹا کو گھسیٹتے ہوئے دور تک لے گیا حادثے کی اطلاع ملتے ہی ریسکیو 1122 موقع پر پہنچ گئی ریسکیو 1122نے جاں بحق ہونے والے ماں بیٹا کی ڈیڈ باڈیز کو ہسپتال منتقل کیا جبکہ ٹرک ڈرائیور گاڑی چھوڑ کر موقع سے فرار ہونے میں کامیاب ہو گیا پولیس نے گاڑی کو تحویل میں لے کر رپورٹ درج کر لی اور ٹرک ڈرائیور کی تلاش شروع کر دی۔