دینہ (رضوان سیٹھی سے) دینہ جی ٹی روڈ پر مسافروں سے بھری تیز رفتار فلائنگ کوچ کا ٹائر برسٹ ہونے کی وجہ سے گاڑی ڈرائیور سے بے قابو ہو کر فٹ پاتھ پر چڑھ دوڑی اور درخت سے جاٹکرائی، 5افراد شدید زخمی، ریسکیو 1122نے زخمیوں کو رورل ہیلتھ سنٹر دینہ منتقل کیا۔ تفصیلات کے مطابق گزشتہ روز صبح سویرے راولپنڈی سے لاہور کی طرف جانے والی مسافروں سے بھری ہائی ایس دینہ جی ٹی روڈ قائد اعظم ٹاؤن کے مقام پر پہنچی تو اچانک ٹائر برسٹ ہونے کی وجہ سے گاڑی ڈرائیور سے بے قابو ہو کر فٹ پاتھ پر چڑھ دوڑی اور درخت سے جا ٹکرائی، زور دار حادثے کے بعد چیخ و پکار مچ گئی، فلائنگ کوچ میں سوار افتخار ولد ذوالفقار عمر 51سال سکنہ لاہور، رضوان ولد سخی محمد عمر 37سال سکنہ لاہور، پارو ولد غلام عمر 35سال، منی ولد خان محمود عمر 50سال اور دیگر شدید زخمی ہو گئے، جنہیں فوری طور پر ریسکیو 1122نے رورل ہیلتھ سنٹر دینہ منتقل کیا۔
0
