تحصیل پنڈ دادنخان کے گاؤں کانیانوالہ کو جانے والے سرکاری راستے پر تعمیر شروع

پنڈد ادنخان (ملک ظہیر اعوان)تحصیل پنڈ دادنخان کے گاؤں کانیانوالہ کو جانے والے سرکاری راستے پر تعمیر شروع ہو گئی جس سے کانیالوالہ کی دیگر آبادیوں سمیت علاقہ جالپ کے دیگر علاقوں کے عوام کو بھی شدید دشواری کا سامنا کرنا پڑ رہا ہے اہلیان دیہہ پنڈ دادنخان عدالت پہنچ گئے عدالتی احکامات پر اسسٹنٹ کمشنر پنڈ دادنخان و محکمہ مال نے سرکاری راستے پر بنی ہوئی دیوار کو تجاوز قرار دیے دیا عدالت نے پولیس حکام کو تجاوز ہٹانے کے احکامات جاری کر دئیے لیکن اہلیان کانیانوالہ کے مطابق پولیس تجاوز ختم کروانے میں ناکام ہے اور فریقین سے دستخط کرا کر واپس چلی گئی ہے پولیس کی کارکردگی انتہائی مایوس کن ہے۔