دینہ (رضوان سیٹھی+ سہیل انجم قریشی سے) دینہ میں ڈکیتی کی دلیرانہ واردات 3نامعلوم مسلح موٹرسائیکل سوار ڈاکوؤں ن دن دیہاڑے جی ٹی روڈ پر خاتون سے 7لاکھ 60ہزار روپے کی نقدی لوٹ کر فرار، ڈاکو باآسانی کے ساتھ موٹرسائیکلوں پر فرار ہونے میں کامیاب،خاتون بنک سے رقم نکلوا کر گھر واپس جا رہی تھی کہ ڈاکوؤں نے لوٹ لیا، واردات کے بعد علاقہ میں خوف و ہراس، پولیس کی بھاری نفری موقع پر پہنچ گئی اور رپو رٹ درج کر کے ڈاکوؤں کی تلاش شروع کر دی۔ تفصیلات کے مطابق دینہ میں بڑھتی ہوئی وارداتوں کا سلسلہ رک نہ سکا گزشتہ روز دن دیہاڑے جی ٹی روڈ پر 2موٹرسائیکلوں پر سوار 3نامعلوم مسلح ڈاکوؤں نے رکشہ پر سوار خاتون کو روک کر 7لاکھ 60ہزار روپے کی نقدی چھین لی، بتایا جاتا ہے کہ دینہ کے نواحی علاقہ کھوکھا کی رہائشی خاتون چوہدری محمد ثاقب کی اہلیہ الائیڈ بنک جی ٹی روڈ دینہ سے رقم نکلوا کر چنگ چی رکشہ پر گھر واپس جا رہی تھی کہ جی ٹی روڈ صالحہ ہسپتال کے قریب موٹرسائیکل سوار ڈاکوؤں نے گھیر لیا اور رقم لوٹ کر فرار ہو گئے، واردات کے بعد جی ٹی روڈ پر خوف و ہراس پھیل گیا، اطلاع ملتے ہی پولیس کی نفری بھی پہنچ گئی اور خاتون کی درخواست پر رپورٹ درج کر کے ڈاکوؤں کی تلاش شروع کر دی۔
0
