دینہ (رضوان سیٹھی سے) دینہ کے قریب ڈومیلی موڑ پر کار اوررکشہ میں خوفناک تصادم، 3افراد شدید زخمی، اطلاع ملتے ہی ریسکیو 1122نے زخمیوں کو طبی امداد کے بعد ہسپتال منتقل کیا جبکہ کار کو شدید نقصان پہنچا۔ تفصیلات کے مطابق گزشتہ روز دینہ کے قریب ڈومیلی موڑ کے مقام پر کار نمبری LED-5843اور لوڈر رکشہ کے درمیان خوفناک حادثہ پیش آیا، جس سے کار میں سوار 31سالہ علی عباس ولد ناصر سکنہ گجرات، 23سالہ ظہیر شاہ ولد تیمور شاہ سکنہ گجرانوالہ، 26سالہ شبیر ولد صادق سکنہ نوشہرہ شدید زخمی ہو گئے، حادثے کی اطلاع ملتے ہی ریسکیو 1122موقع پر پہنچ گئی اور زخمیوں کو طبی امداد کے بعد ہسپتال منتقل کیا، جبکہ حادثے کا شکار ہونے والی کار کو شدید نقصان پہنچا۔
0
