دینہ (رضوان سیٹھی سے) دینہ کے قریب جی ٹی روڈ پر تیز رفتار ٹرالر، مسافر وین اور کار میں خوفناک تصادم، حادثہ میں 8افراد شدید زخمی ہو گئے، حادثے کی اطلاع ملتے ہی ریسکیو 1122اور دیگر امدادی ٹیمیں موقع پر پہنچ گئیں زخمیوں کو ہسپتال منتقل کیا۔ تفصیلات کے مطابق دینہ کے قریب جی ٹی روڈ ڈومیلی موڑ کے مقام پر تیز رفتار ٹرالر، مسافر وین اور کار میں خوفناک حادثہ پیش آیا، حادثے کے فوراً بعد چیخ و پکار مچ گئی جس سے 8افراد شدید زخمی ہو گئے جن میں 55سالہ ناصر ولد ارشد سکنہ دینہ، 16سالہ نشا ء دختر زبیر سکنہ دینہ، 20سالہ فاطمہ دختر احمد سکنہ جہلم، 25سالہ علی ولد احمد سکنہ جہلم، 45سالہ ندیم ولد فرید و دیگر شامل تھے، حادثے کی اطلاع ملتے ہی ریسکیو 1122کی امدادی ٹیمیں موقع پر پہنچ گئیں اور زخمیوں کو فوری طور پر طبی امداد کے بعد ہسپتال منتقل کیا۔