دینہ(سہیل انجم قریشی سے)دینہ کے نواحی علاقہ جھنگ کھوکھراں ڈومیلی میں طوفانی بارش نے ہر طرف تباہی پھیلا دی ہے غریب لوگوں کے گھروں میں پانی داخل بیشتر گھر ٹوٹ پھوٹ کا شکار ہو گیے ہیں متاثرین کی اعلی حکام سے امداد کی اپیل۔تفصیلات کے مطابق دینہ کے نواحی علاقہ جھنگ کھوکھراں میں بارش کی وجہ سے کافی لوگ متاثر ہوئے ہیں لوگوں کے گھروں میں پانی داخل ہونے کی وجہ سے غریب لوگوں کے گھروں کی دیواریں گر گئی ہیں اہل علاقہ کا کہنا تھا کہ یہ جو غیر قانونی بند ،فش فارم اور نالہ گھان کے پاس غیر قانونی تجاوزات ہے اس کی بدولت ہی پانی آبادی میں داخل ہوا ہے اہل علاقہ نے انتظامیہ سے غیر قانونی تجاوزات اور فش فارم کے خلاف ایکشن لینے کا مطالبہ کیا ہے ساتھ ہی ساتھ متاثرین نے انتظامیہ سے نقصان کا ازالہ، داد رسی کی اپیل کی ہے۔
0
