جی ٹی روڈ راٹھیاں کے مقام پر حادثہ کے نتیجہ میں دو بچوں سمیت تین افراد جان کی بازی ہار گئے

دینہ(سہیل انجم قریشی سے)جی ٹی روڈ راٹھیاں کے مقام پر موٹر سائیکل اور شہزور حادثہ کا شکار ہوگیے جس کے نتیجہ میں موٹر سائیکل پر سوار دو بچوں سمیت تین افراد جان کی بازی ہار گئے ہیں حادثے کی اطلاع ملتے ہی ریسکیو ٹیمیں موقع پر پہنچ گئی اور جاں بحق ہونے والے افراد کی ڈیڈ باڈیز کو ہسپتال منتقل کیا۔ تفصیلات کے مطابق جی ٹی روڈ راٹھیاں کے مقام پر موٹر سائیکل اور شہزور کو حادثہ پیش آگیا جس کے نتیجہ میں موٹر سائیکل پر سوار عدنان ولد عابد حسین، آیان ولد محمد نوید، فیضان ولد محمد نوید جاں بحق ہو گئے ہیں جاں بحق ہونے والے تینوں افراد کا تعلق دینہ کے نواحی علاقہ ڈھوک پڈھال سے تھا ریسکیو 1122 نے موقع پر پہنچ کر تینوں افراد کی ڈیڈ باڈیز کو ہسپتال منتقل کردیا۔