0

محتسب پنجاب میجر اعظم سلیمان خان (ر)کے حکم پر7کروڑ 90لاکھ سے زائد مالیت کا کل 10کنال سرکاری رقبہ واگزار کروا لیا گیا

جہلم(چوہدری عابد محمود +چوہدری دانیال عابد)جہلم محتسب پنجاب میجر اعظم سلیمان خان (ر)کے حکم پر7کروڑ 90لاکھ سے زائد مالیت کا کل 10کنال سرکاری رقبہ واگزار کروا لیا گیا۔ صوبہ بھر سے مختلف درخواست گزاران نے دفتر ہذا میں سرکاری رقبہ پرنا جائز قبضہ کے حوالے سے شکایت گزاری اور استدعا کی کہ ان قبضہ مافیا سے سرکاری رقبہ واگزار کروایا جائے۔ اس تناظر میں محتسب پنجاب میجر اعظم سلیمان خان (ر)نے متعلقہ صوبائی افسران کو ہدایات جاری کیں کہ وہ مذکورہ رقبہ بمقام لاہور، چکوال، قصور اور مظفرگڑھ ملکیتی صوبائی حکومت کی حسب ضابطہ واگزاری کروائیں۔ اس ضمن میں حسب الحکم کارروائی کرتے ہوئے لاہورڈویلپمنٹ اتھارٹی، لاہور ایڈیشنل ڈائریکٹر جنرل ہاوسنگ، ایکسین کینال آفیسر مظفرگڑھ، اسسٹنٹ کمشنرچکوال اوراسسٹنٹ کمشنر چونیاں نیکل 10کنال سرکاری رقبہ واگزار کروا لیا ہے جس کی مارکیٹ ویلیو 7کروڑ 90 لاکھ سے زائد ہے۔درخواست دہندگان نے اس بروقت مدد پر محتسب پنجاب میجر اعظم سلیمان خان (ر) کا بے حد شکریہ ادا کیا۔