اسلام آباد (اے بی این نیوز) پاکستان ٹیلی کمیونیکیشن اتھارٹی (پی ٹی اے) نے چوری یا گم ہونے والے موبائل فونز کے خلاف فوری کارروائی کے لیے نظام کو فعال کر دیا ہے۔
اس سسٹم کے تحت شہری اپنے چوری یا گم شدہ فون بلاک کر کے خود کو غلط استعمال سے بچا سکتے ہیں۔اس کے علاوہ پی ٹی اے کے مطابق اگر کسی کا موبائل فون گم یا چوری ہو جائے تو درج ذیل اقدامات فوری طور پر کیے جائیں۔
1. موبائل کا (IMEI) نمبر اور دیگر ضروری تفصیلات معلوم کریں۔
2۔PTAکے کمپلینٹ مینجمنٹ سسٹم (CMS) پر آن لائن شکایت درج کروائیں:
complaint.pta.gov.pk
واضح رہے کہ شکایت بھیجنے کے بعد پی ٹی اے کی جانب سے فراہم کردہ معلومات کی 24 گھنٹے کے اندر تصدیق کی جاتی ہے، جس کے بعد موبائل فون بلاک کر دیا جاتا ہے تاکہ کوئی دوسرا اس کا غلط استعمال نہ کر سکے۔
واضح رہے کہ عوام کو مشورہ دیا گیا ہے کہ وہ چوکس رہیں اور موبائل فون کے گم ہونے کی صورت میں بلا تاخیر شکایت درج کرائیں تاکہ آپ کا ڈیٹا اور معلومات محفوظ رہیں۔
مزید پڑھٰیں:کسان اتحاد کا گندم کی سرکاری قیمت پر احتجاجی تحریک چلانے کا اعلان
The post گمشدہ یا چوری شدہ موبائلز کے لیے PTA کا فوری بلاک سسٹم فعال appeared first on ABN News.
