ڈومیلی کے علاقہ پمڑالہ میں موٹرسائیکل سوار لوڈر رکشہ سے ٹکرا نے سے عورت سمیت تین طالبعلم شدید زخمی

دینہ(سہیل انجم قریشی سے)ڈومیلی کے علاقہ پمڑالہ میں موٹرساٸیکل سوار لوڈر رکشہ سے ٹکرا گیے، ایک عورت سمیت تین طالبعلم شدید زخمی،ریسکیو1122نے موقع پر پہنچ کرطبعی امداد دی اور ہسپتال منتقل کردیا۔تفصیلات کے مطابق ڈومیلی کے علاقہ پمڑالہ میں موٹرساٸیکل سوار لوڈر رکشہ کے ساتھ ٹکرا گیے۔جس کے نتیجے میں موٹرساٸیکل پر سوار تین طالب علم اور رکشہ پرسوار خاتون شدید زخمی ہوگٸی۔حادثہ کے بعدہرطرف چیخ وپکار کی آوازیں۔اطلاع ملتے ہی ریسکیو1122موقع پر پہنچ گٸی۔دو شدید زخمی طالب علموں کو طبعی امداد کے بعدڈی ایچ کیو ہسپتال جہلم منتقل کردیاگیا۔ایک اور طالب علم کو مقامی افراد نے اپنی مدد آپ کے تحت ریسکیو کے آنے سے پہلے ہسپتال منتقل کردیا۔طالب علم بڑاگواہ امتحانی سنٹر میں میٹرک کے امتحان دےکرواپس گھر جارہے تھے۔زخمی طالبعلموں میں ایک کسیال،دوسرا غازیوٹ جبکہ تیسرا بھٹلاٸی کے رہاٸشی تھے۔یاد رہے پمڑالہ جمپ پر اس سے پہلے بھی متعدد بار حادثات رونماہوچکے ہیں۔جمپ ٹھیکدار کی نااہلی کامنہ بولتاثبوت ہے۔