دینہ (رضوان سیٹھی سے) دینہ جی ٹی روڈ چک اکا کے مقام پر نامعلوم چور کھانا کھانے والے موٹرسائیکل سوار کا موٹرسائیکل لے اڑے، موٹرسائیکل سوار کھانا کھانے کے لیے رکے تھے اور کھانا کھا رہے تھے کہ پیچھے سے نامعلوم چور موقع کا فائدہ اٹھاتے ہوئے اپنا کام کر گئے، اطلاع ملتے ہی پولیس منگلا کینٹ موقع پر پہنچ گئی اور رپورٹ درج کر کے چوروں کی تلاش شرو ع کر دی۔ تفصیلات کے مطابق باغ محلہ جہلم کا رہائشی عابد حسین ولد محمد حسین اپنے موٹرسائیکل نمبر JML-3161 پر کھانا کھانے کے لیے جی ٹی روڈ چک اکا کے مقام پر ایک بریانی سنٹر پر رکے اور کھانا کھانے کے لیے بریانی سنٹر کے اندر گئے جب دس منٹ بعد واپس آئے تو دیکھا کہ موٹرسائیکل غائب تھا کافی تلاش کرنے پر کچھ پتہ نہ چل سکا، اطلاع ملتے ہی پولیس تھانہ منگلا کینٹ بھی موقع پر پہنچ گئی اور متاثرہ شخص عابد حسین کی درخواست پر رپورٹ درج کر کے ملزمان کی تلاش شروع کر دی۔
0
