دینہ (رضوان سیٹھی سے) دینہ کے قریب جی ٹی روڈ پر پٹرول پمپ کی کینٹین پر شارٹ سرکٹ کے باعث آگ بھڑک اٹھی دیکھتے ہی دیکھتے آگ کے بلند شعلوں نے پوری کینٹین کو اپنی لپیٹ میں لے لیا، لاکھوں روپے مالیت کا سامان جل کر خاکستر، اطلاع ملتے ہی ریسکیو 1122کے عملے نے پہنچ کر آگ پر قابو پایا۔ تفصیلات کے مطابق دینہ کے قریب جی ٹی روڈ نزد پنجاب یونیورسٹی کے ساتھ واقع شیل پٹرول پمپ کی کینٹین میں شارٹ سرکٹ کے باعث اچانک آگ بھڑک اٹھی، آگ کے بلند شعلوں نے دیکھتے ہی دیکھتے پوری کینٹین کو اپنی لپیٹ میں لے لیا جس سے کینٹین میں پڑی تمام اشیاء جل کر خاکستر ہو گئی جس سے لاکھوں روپے مالیت کا سامان راکھ کا ڈھیر بن گیا، اطلاع ملتے ہی ریسکیو 1122عملے نے پہنچ کر آگ پر قابو پایا۔
0
