پنڈ دادن خان میں استقبال ماہ ربیع الاول کے سلسلہ میں بعد از نماز مغرب مشعل بردار ریلی کا انعقادکیا گیا

پنڈدادن خان ( بیورو چیف ملک ظہیر اعوان ) پنڈ دادن خان میں استقبال ماہ ربیع الاول کے سلسلہ میں بعد از نماز مغرب مشعل بردار ریلی کا انعقادکیا گیا مشعل بردار ریلی قدیمی درسگاہ دارالعلوم محمدیہ رضویہ پنڈ دادن خان سے جامع مسجد سیدنا امیر حمزہ تک نکالی گئی
ریلی کی قیادت معروف عالم دین حضرت علامہ پیر محمد انور قریشی ہاشمی دامت برکاتہ العالیہ نے کی
ماہ ربیع الاول کا چاند نظر نہیں آیا یکم ربیع الاول 18 ستمبر بروز سوموار اور 12 ربیع الاول 29 ستمبر بروز جمعہ کو ہوگی
پنڈدادن خان شہر میں استقبال ماہ ربیع الاول کے سلسلے میں مشعل بردار ریلی نکالی گئی ریلی قدیمی درسگاہ دارالعلوم محمدیہ رضویہ سے برآمد ہوئی ریلی کی قیادت پیر محمد انور قریشی ہاشمی دامت برکاتہم العالیہ نے کی ریلی میں موجود عاشقان رسول صلی اللہ علیہ وآلہ وسلم کی محبت میں درود شریف اور نعت رسول مقبول صلی اللہ علیہ وآلہ وسلم پڑھتے رہے ریلی کے راستے میں مختلف مقامات پر میٹھے پانی کی سبیلیں لگائی گئیں اور جگہ جگہ ریلی کے شرکاء پر پھول نچھاور کئے گئے ریلی چوک محمدیہ ،محلہ بلوچاں والا،محلہ پرانی تحصیل،محلہ تیلیانوالہ اور چوک خواجگان سے ہوتی ہوئی نماز عشاء کے وقت جامع مسجد سیدنا امیر حمزہ پہنچ کر اختتام پذیر ہوئی ریلی کے دوران سیکیورٹی کے سخت انتظامات کیے گئے تھے پولیس کی بڑی تعداد ریلی کے ساتھ موجود رہی