دینہ (رضوان سیٹھی سے) دینہ کے نواحی علاقہ میں 2بچے تالاب میں ڈوب کر جاں بحق، بچے بکریاں چرا رہے تھے کہ پاؤں پھسلنے کے باعث تالاب میں جا گرے، میتیں گھر پہنچنے پر کہرام مچ گیا، علاقہ کی ہر آنکھ اشکبار۔ تفصیلات کے مطابق دینہ کے نواحی علاقہ پنڈوری کے قریب میانہ کلرہ گاؤں میں افسوسناک واقع پیش آیا میانہ کلرہ کے رہائشی 8سالہ بچی شمیم ولد زبیر احمد اور 11سالہ محمد ادریس ولد محمد معروف گھر سے حسب معمول اپنی بکریاں چرانے کے لیے گھر سے نکلے کہ قریب ہی پانی کے تالاب میں پاؤں پھسلنے سے دونوں بچے تالاب میں گر کر ڈوب گئے جبکہ تیسری ساتھ آئی ہوئی بچی نے شور مچانا شروع کر دیا اور گھر جا کر اطلاع دی، گھر کے اہل خانہ پہنچنے تک بچے پانی میں ڈوب کر جاں بحق ہو چکے تھے، والدین بچوں کی میتیں دیکھ کر غم سے نڈھال ہو گئے، میتیں گھر پہنچنے پر کہرام مچ گیا اور دونوں بچوں کو آہوں اور سسکیوں کے ساتھ سپرد خاک کر دیا گیا، علاقہ کی ہر آنکھ اشکبار تھی۔
0
