دینہ (رضوان سیٹھی سے) دینہ منگلا روڈ پر شارٹ سرکٹ کے باعث گورمے بیکرز اینڈ سویٹس میں آگ بھڑک اٹھی، آگ کے بلند شعلوں نے پوری بیکری کو اپنی لپیٹ میں لے لیا، لاکھوں روپے مالیت کا سامان جل کر خاکستر، اطلاع ملتے ہی ریسکیو 1122نے موقع پر پہنچ کر آگ پر قابو پایا، بیکرز کا عملہ حسب معمول بیکری کھول رہے تھے کہ دیکھا کہ اندر آگ لگی ہوئی تھی۔ تفصیلات کے مطابق دینہ منگلا روڈ داتا چوک کے سامنے واقع گورمے بیکرز اینڈ سویٹس میں شارٹ سرکٹ کے باعث صبح ساڑھے 4بجے کے قریب آگ بھڑک اٹھی اور دیکھتے ہی دیکھتے آگ کے بلند شعلوں نے پوری بیکری کو اپنی لپیٹ میں لے لیا جس سے بیکرز کاسامان کوکنگ آئل، اے سی سمیت دیگر اشیاء جل کر راکھ کا ڈھیر بن گئی، نقصان کی مالیت لاکھوں روپے بتائی جاتی ہے اطلاع ملتے ہی ریسکیو 1122کا عملہ موقع پر پہنچ گیا اور آگ پر قابو پایا، بتایا جاتا ہے کہ بیکری کے ملازم حسب معمول بیکری کھول رہے تھے کہ شٹر اٹھایا تو دیکھا کہ اندر آگ کے شعلے بھڑک رہے تھے، ملازموں کے بروقت پہنچنے سے مزید نقصان ہونے سے بچ گیا۔
0
