دینہ (رضوان سیٹھی سے) دینہ کے قریب جی ٹی روڈ پر بارش کی پھسلن کی وجہ سے مسافروں سے بھری ہائی ایس بے قابو ہو کر ٹرک کے ساتھ جا ٹکرائی، خاتون سمیت 4 افراد شدید زخمی، حادثے کی اطلاع ملتے ہی ریسکیو 1122موقع پر پہنچ گئی اور زخمیوں کو طبی امداد کے بعد ہسپتال منتقل کیا۔ تفصیلات کے مطابق دینہ جی ٹی روڈ ایدھی ایمبولینس سنٹر کے سامنے ٹریفک کا خوفناک حادثہ پیش آیا، مسافروں سے بھری ہائی ایس بارش کی پھسلن کی وجہ سے ہائی ایس نمبری LES-9054ڈرائیور سے بے قابو ہو کر آگے جانے والے ٹرک کے ساتھ جا ٹکرائی، جس سے ہائی ایس میں سوار قاسم ولد ضیاء الرحمن عمر38سال، شبیر احمد ولد مرزا محمود عمر 33سال، آمنہ بی بی زوجہ فضل داد عمر 70سال، اعجاز ولد عبدالشکور عمر 30سال شدید زخمی ہو گئے، حادثے کی اطلاع ملتے ہی ریسکیو 1122موقع پر پہنچ گئی اور زخمیوں کو طبی امداد کے بعد ہسپتال منتقل کیا۔
0
