جہلم کم عمر بچوں کی ڈرائیونگ کی وجہ سے حادثات میں اضافہ ہونے لگا

جہلم(چوہدری عابد محمود +عامرکیانی)جہلم کم عمر بچوں کی ڈرائیونگ کی وجہ سے حادثات میں اضافہ ہونے لگا۔شہر میں کم عمر بچے تیز ر فتا ر موٹر سائیکلیں، چنگ چی رکشے چلا کرحادثات کا باعث بننے لگے۔ٹریفک پولیس کی عدم توجہی کے باعث شہر کی سڑکوں اور بازاروں میں 14,16سال کے بچے موٹر سائیکل و چنگ چی رکشے تیز رفتاری کیساتھ چلانے لگے، اکثر بچوں کے موٹرسائیکلوں پر بیٹھ کر پاؤں زمین تک نہیں پہنچتے تاکہ کسی حادثے کی صورت میں بریک لگا سکیں جس کیوجہ سے حادثات رونما ہوتے ہیں، شہریوں نے ڈی پی او جہلم، ڈی ایس پی ٹریفک سے مطالبہ کیاہے کہ شہر اور ملحقہ آبادیوں میں کم عمر بچوں کی ڈرائیورنگ پر پابندی عائد کی جائے تاکہ حادثات میں کمی واقع ہو سکے۔