دینہ (رضوان سیٹھی سے) دینہ، منگلا کے قریب دریائے جہلم میں پانی کے تیز بہاؤ سے 4افراد پانی کے ریلے میں پھنس گئے، ریسکیو 1122کی بروقت کاروائی میں چاروں افراد کو بحفاظت نکال لیا، بچ جانے والے افراد کا ریسکیو 1122کو دعائیں۔ تفصیلات کے مطابق گزشتہ روز دینہ کے نواحی علاقہ پنڈوری منگلا کے قریب پانی کا تیز ریلا آنے سے دریائے جہلم میں 4افراد عبدالرحمن ولد شہاب خان عمر 24سال، محمد شہباز ولد محمد وسیم عمر 27سال، محمد شاہد ولد طاہر حسنین عمر 27سال اور ہاشم حسنین عمر 32سال ساکنائے نکودر دینہ پھنس گئے، اطلاع ملتے ہی ریسکیو 1122موقع پر پہنچ گئی اور بروقت کاروائی کرتے ہوئے چاروں افراد کو زندہ بچا لیا۔
0
