برائلر مرغی کے بعددینہ میں سبزیاں عام عوام کی قوت خرید سے دور

دینہ( ادریس چودھری) ”یک نہ شد کئی شد“برائلر مرغی کے بعددینہ میں سبزیاں عام عوام کی قوت خرید سے دور، عوام کو مہنگائی سے چھٹکارہ نہ مل سکا، سبزیوں کی قیمتیں آسمانوں سے باتیں کرنے لگی۔تفصیلات کے مطابق تحصیل دینہ میں مرغی کے بعدگوشت کے بعدسبزیاں بھی عام عوام کی قوت خرید سے دور ہو گئی ہیں عوام کو مہنگائی سے چھٹکارہ نہ مل سکا سبزی منڈی میں سبزیوں کی قیمتوں کو پر لگ گئے۔ پیاز 42 سے 54 روپے فی کلوگرام فروخت کی جا رہی ہیں۔لہسن 155 روپے سے 160 روپے فی کلو میں فروخت اور ادرک210 سے220 روپے فی کلو میں ا?لو 60 سے 62 روپے فی کلو میں فروخت اور پھول گھوبی 60 روپے سے 70 روپے فی کلو میں فروخت اور ٹماٹر 55 روپے سے 60 روپے فی کلوگرام میں فروخت مٹر 220 روپے سے 228 روپے فی کلو میں فروخت، ٹینڈے دیسی 140، بھنڈی 90، شملہ مرچ 150 اور ٹندے 140 روپے فی کلو میں فروخت ہورہے ہیں۔شہریوں کا کہنا ہے حکومت کو اس پر نطر ثانی کرنی چاہیے۔ دوسری جانب برائلرمرغی کا گوشت میں 12 روپے فی کلو مہنگا کردیا گیا، بارہ روپے اضافہ سے برائلر مرغی کا گوشت 357 روپے فی کلو ہوگیا۔گزشتہ روز برائلر مرغی کا گوشت 345 روپے فی کلو فروخت کیا جاتا رہا، اسی طرح زندہ برائلر مرغی کا ہول سیل ریٹ 238 اور پرچون ریٹ 246 روپے فی کلو مقررکیا گیا ہے۔ دوسری جانب فارمی انڈوں کا ریٹ 161 روپے فی درجن مقرر جبکہ فارمی انڈوں کی پیٹی کا ریٹ 4 ہزار 710 روپے رکھا گیا ہے۔