جہلم(چوہدری عابد محمود +چوہدری دانیال عابد)جہلم ریسکیو1122 جہلم سٹاف کا ماہانہ فزیکل فٹنس ٹیسٹ لیا گیا،ڈسٹرکٹ ایمرجنسی آفیسر انجینئر سعید احمدنے گزشتہ روز ریسکیو 1122 جہلم کے تمام سٹاف کا ماہانہ فزیکل فٹنس ٹیسٹ لیا۔ جس میں جہلم کے تمام ریسکیو افسران اور اہلکاروں نے شرکت کی۔اس موقعہ پر ڈسٹرکٹ ایمرجنسی آفیسر جہلم انجینئر سعید احمد نے کہاکہ ٹیسٹ کا مقصد ریسکیوز کو تندرست رکھنا،ان کی کارکردگی اور ایمرجنسی میں بہتر طریقے سے مدد کرنا ہے۔ بلاشبہ ایک تندرست جسم ہی تندرست دماغ کا حامل ہوتا ہے اور ریسکیوز کے لئے یہ انتہائی اہم ہے۔ ریسکیو 1122 کے جوان پوری طرح سے تندرست ہیں اور یہ ٹیسٹ ہر ماہ منعقد کیا جاتا ہے۔ کیونکہ ایک تندرست اور چاق و چوبند ریسکیو ہی ایمرجنسی میں لوگوں کو بہتر مدد فراہم کر سکتا ہے۔
0
