پنڈدادنخان چار بجلی کے ٹرانسفارمر ایک ہی رات میں چوری کر لیے گئے

پنڈدادنخان(ملک ظہیر اعوان) واپڈا سب ڈویژن للہ کے علاقہ یونین کونسل احمد اباد میں واٹر سپلائی سکیم عیسی وال اور راج سر واٹر سپلائی سکیم سمیت چار بجلی کے ٹرانسفارمر ایک ہی رات میں چوری کر لیے گئے موٹر سائیکل پر انے والے چوروں نے ٹرانسفارمر پولوں سے نیچے اتار کر ان میں سے قیمتی کوئلیں نکال لیں اور فرار ہونے میں کامیاب ہو گئے جس سے علاقہ بھر میں پانی کی سپلائی بند ہو چکی ہے
جبکہ دو ٹرانسفارمر ابھی ٹھیکے داروں نے نصب ہی کیے تھے ابھی للہ شریف وغیرہ کی واٹر سپلائی شروع نہیں ہوئی تھی کہ چور اپنے ہاتھ دکھا گئے اور ٹھیکے داروں کو ٹیکا لگا گئے اس کے علاوہ عیسی وال کے رہائشی سہیل اقبال نمبردار کے ڈیرہ سے قیمتی سولر پلیٹیں بھی چند روز قبل چوری ہو چکی ہیں جن کا کھرا چک مبارک تک پہنچا تھا لیکن تا حال چوروں کی گرفتاری ممکن نہیں ہو سکی یہ چور تھانہ بھیرہ اور چک مبارک پولیس چوکی نے گرفتار کرنے ہیں