پنڈدادنخان(ملک ظہیر اعوان ) اولیاء اللہ کی تعلیمات ہمارے لئے مشعل راہ ہیں اولیاء کرام نے ہمیشہ بھٹکی ھوئی قوم کو قرآن و سنت کی طرف راغب کیا اولیاء کرام نے امت مسلمہ کو یکجا کرنے اور اسلامی تعلیمات کو فروغ دینے میں اہم کردار ادا کیا ان خیالات کا اظہار پیر سید امیر حمزہ کرمانی اور سابق ایم پی اے چوہدری نذر حسین گوندل نے مخدوم سید صفدر علی بخاری المعروف کاکیاں والی سرکار کے مزار مبارک واقع ڈھڈی تھل میں حاضری کے موقع پر سجادہ نشین پیر سید منشا عباس بخاری سے گفتگو کرتے ہوئے کیا اس موقع پر بابا جی سرکار سید عزیر شاکربھی موجود تھے انہوں نے مزار پر پھولوں کی چادر چڑھائی اور فاتحہ پڑھی سید منشاء عباس بخاری نے سید امیر حمزہ کرمانی اور سابق ایم پی اے چوہدری نذر حسین گوندل کے اعزاز میں پر تکلف عشائیہ دیا اور چوہدری نذر حسین گوندل کی علاقے میں خدمات کو سراہا بعد ازاں سید امیر حمزہ کرمانی اور چوہدری نذر حسین گوندل نے جو پیپلز پارٹی کے صوبائی امیدوار بھی ہیں انہوں نے علاقہ تھل کے مختلف علاقوں کا دورہ کیا واضح رھے کہ اس وقت پیپلز پارٹی کے امیدوار برائے قومی اسمبلی سید امیر حمزہ کرمانی اور صوبائی اسمبلی حلقہ پی پی 27 کے امیدوار چوہدری نذر حسین گوندل سب سے زیادہ متحرک ہیں اور 9 مئی کے واقعے کے بعد پاکستان تحریک انصاف کے کارکنوں نے اپنی جماعت سے علیحدگی کے بعد ان کے گروپ کی طرف رخ کرنا شروع کیا ھوا ھے
0
