وزیراعظم کی ایم ڈی آئی ایم ایف سے ملاقات دورہ فرانس میں عالمی مالیاتی کانفرنس کی سائیڈ لائن پر ہوئی۔ اس موقع پر پاکستان اور آئی ایم ایف کے درمیان تعاون پر بھی بات چیت کی گئی اور وزیراعظم نے 27 مئی کو ہونے والے ٹیلی فونک رابطے کا بھی ذکر کیا۔
وزیراعظم نے معاشی استحکام اور بہتری کے لیے اٹھائے گئے اقدامات سے ایم ڈی آئی ایم ایف کو آگاہ کیا۔ اس موقع پر وزیراعظم نے کہا کہ ہم سمجھتے ہیں کہ نویں جائزہ کے لیے تمام پیشگی اقدامات کر لیے ہیں، امید ہے پاکستان کے لیے مختلف فنڈز جلد جاری کر دیے جائیں گے۔
Prime Minister Muhammad Shehbaz Sharif in a meeting with Ms. Kristalina Georgieva, Managing Director International Monetary Fund. pic.twitter.com/4MePVEspVA
— Government of Pakistan (@GovtofPakistan) June 22, 2023
وزیراعظم شہباز شریف نے کہا کہ پاکستان آئی ایم ایف کے ساتھ معاہدے کی تکمیل کے لیے پُرعزم ہے، معاہدے کی تکمیل سے معاشی استحکام میں مدد ملے گی۔ انہوں نے یہ بھی کہا کہ آئی ایم ایف فنڈز سے پاکستان کو ریلیف بھی ملے گا۔
