دینہ (رضوان سیٹھی سے) دینہ کا رہائشی 35سالہ 4بچوں کا باپ سعودی عرب میں کام کے دوران کرنٹ لگنے سے جاں بحق، جاں بحق ہونے والا نوجوان 6ماہ قبل سعودی عرب کام کے سلسلے میں گیا تھا اور محنت مزدوری کر کے بچوں کا پیٹ پالتا تھا، گھر اطلاع ملتے ہی کہرام مچ گیا۔ تفصیلات کے مطابق دینہ محلہ شیخاں کا رہائشی 35سالہ 4بچوں کا باپ رانا شاہد ولد محمد مجید روزی کے حصول کے لیے عرصہ 6ماہ سے سعودی عرب میں مقیم تھا، گزشتہ روز سعودی عرب میں نان شاپ کی دوکان پر کام کر رہا تھا کہ مشین سے کرنٹ لگنے سے موقع پر ہی جاں بحق ہو گیا، جاں بحق ہونے والا نوجوان محنت مزدوری کر کے اپنے بیوی بچوں کا پیٹ پالتا تھا، نوجوان کے جاں بحق ہونے کی اطلاع ملتے ہی گھر میں کہرام مچ گیا، جاں بحق ہونے والا نوجوان رانا یوسف آئیڈیل بیکرز منگلا روڈ دینہ والوں کا قریبی عزیز تھا۔
0
