منگلا روڈ دینہ میں ٹریفک کی روانی کو بہتر بنانے کے لیے سب انسپکٹر امجد اقبال کی تاجر برادری سے ملاقات

دینہ( (سہیل انجم قریشی + ادریس چودھری) ریجنل پولیس آفیسرراولپنڈی, ڈسٹرکٹ پولیس آفیسر جہلم اور ڈی ایس پی ٹریفک جہلم کی ھدایت کے مطابق انچارج دینہ سب انسپکٹر امجد اقبال نے منگلا روڈ دینہ میں ٹریفک کی روانی کو بہتر بنانے اور تجاوزات کے خاتمہ کے لیے چیف بلدیہ دینہ اور تاجر برادری کے عہداداروں سے ملاقات، تاجر برادری کی طرف سے تجاوزات کے خاتمہ کے لیے ٹریفک پولیس سے مکمل تعاون کی یقین دہانی۔ اس مو قع پرتاجر برادری کے عہداداران کا اپنی رائے کا اظہار دیتے ہوئے کہنا تھا ٹریفک کی روانی کو بہتر بنانے اورتجاوزات کے خاتمہ کے لیے تاجر برادری ٹریفک پولیس اور بلدیہ دینہ کے ساتھ مکمل تعاون کرے گی۔اس موقع پر انچارج دینہ کا کہنا تھا کہ دوکانداروں کی طرف سے قائم کردہ تجاوزات نہ صرف ٹریفک کے بہا? میں خلل پیدا کرتی ہے بلکہ اس سے شہر کی خوبصورتی بھی متاثر ہوتی ہے جس کے خاتمہ کے لیے بلدیہ دینہ کے ساتھ ملکر آپریشن کی تیاریاں کی جا رہی ہیں اور اس مقصد کے لیے ہر طرح کے وسائل کو بروئے کا ر لایا جائے گا۔انچارج ٹریفک دینہ نے چیف بلدیہ دینہ کو چنگ چی رکشہ کے مناسب اسٹینڈ نہ ھونے کی وجہ سے پیدا ھونے والے مسائل سے آگاہ کیا۔جس پر چیف بلدیہ دینہ کا کہنا تھا کہ ھم اس پر کام کر رہے ھیں جلد ہی آر ٹی اے جہلم کی مشاورت سے چنگ چی رکشہ کو مناسب جگہ پر اسٹینڈ مہیا کر دیئے جائیں گے