پنڈادادنخان( ملک ظہیر اعوان) ٹوبھہ میں پاسبان ویلفیئر کے زیر اہتمام فری آئی کیمپ کا انعقاد. 890 مریضوں کا معائنہ ، 75 آپریشن کے لیے ریفر.پاسبان ویلفیئر فاؤنڈیشن ٹوبھہ کے زیر اہتمام برین سیڈ سکول سسٹم میں ایک روزہ فری آئی و میڈیکل کیمپ کا انعقاد کیاگیا ۔فری آئی کیمپ میں 890 مریضوں کا معائنہ اور علاج کیا گیا. الشفاء آئی ہسپتال چکوال کی 11 رکنی ڈاکٹرز اور پیرا میڈیکل ٹیم نے صبح سے شام تک سینکڑوں مریضوں کو مفت طبی خدمات فراہم کیں۔کیمپ میں آنکھوں کا جدید آلات سے معائنہ کیا گیااور مریضوں کو مفت ادویات کے ساتھ ساتھ مفت عینکیں بھی فراہم کیں. ۔75 موتیا کے مریضوں کو آپریشن کے لیے الشفاء آئی ٹرسٹ ہسپتال چکوال ریفر کیا گیا جہاں پر ان مریضوں کے بالکل فری آپریشن ہونگے. ساتھ ساتھ میڈیکل سپیشلسٹ ڈاکٹر عتیق الرحمن نے 250 مریضوں کا فری میڈیکل چیک اپ اور شوگر ٹیسٹ کیے. پاسبان ویلفیئر فاؤنڈیشن کے بانی حافظ افتخار گوندل نے تمام ڈاکٹرز، پیرا میڈیکل اسٹاف، پاسبان ٹیم اور برین سیڈ سکول سسٹم کی انتظامیہ اور اس کیمپ کے ڈونرز چوہدری فیصل بھلہ اور قیصر بھلہ کا خصوصی شکریہ ادا کیا.
0
