پنجاب پولیس کے سب انسپکٹر محمد ارشد شہید کی پانچویں سالانہ برسی کے موقع پر شہید کی قبر پر سلامی پیش کی گئی

پنڈ دادن خان (بیورو چیف ملک ظہیر اعوان )
پنڈدادن خان کے گاؤں کوٹلی پیراں میں پنجاب پولیس کے سب انسپکٹر محمد ارشد شہید کی پانچویں سالانہ برسی کے موقع پر ڈی ایس پی پنڈ دادن خان عامر شاہین گوندل اور پنڈ دادن خان پولیس کے دستے نے شہید کی قبر پر سلامی پیش کی پھولوں کی چادر چڑھائی اور شہید کے درجات میں بلندی کے لیے دعا کی
تفصیلات کے مطابق کوٹلی پیراں نزد پنن وال کے رہائشی محمد ارشد شہید کو 3 اکتوبر 2019 کو راولپنڈی میں دہشت گردوں نے ٹارگٹ کلنگ کا نشانہ بناتے ہوئے اندھا دھند فائرنگ کر دی جس سے وہ جام شہادت نوش کر گئے کل ان کی سالانہ برسی کے موقع پر پنجاب پولیس پنڈ دادن خان کے جوانوں نے شہید کی قبر پر سلامی دی ، ڈی ایس پی پنڈ دادن خان عامر شاہین گوندل نے شہید کی قبر پر پھول چڑھائے اور فاتحہ خوانی کی اور کہا کہ ہم ہمیشہ اپنے شہداء کی لازوال قربانیوں کو یاد رکھتے ہیں