پنڈدادن خان( بیورو چیف ملک ظہیر اعوان) تحصیل پنڈ دادن خان میں جشن عید میلاد نبی صلی اللہ علیہ وسلم انتہائی عقیدت و احترام کے ساتھ منائی گئی للہ شریف میں نکالے گئے بہت بڑے جلوس کی قیادت سجادہ نشین حضرت صاحبزادہ پروفیسر محمد نعیم الرسول دامت برکاتہم العالیہ ، صاحبزادہ محمد تکریم الرسول ، سجادہ نشین سید منشاء عباس بخاری ، صاحبزادہ محمد علیم الرسول عارف، صاحبزادہ بلال الرسول ، صاحبزادہ وقار الرسول نے کی جلوس اپنے مخصوص راستوں سے ہوتا ہوا گورنمنٹ ہائر سیکنڈری سکول للہ شریف میں اختتام پذیر ہوا جہاں پر سجادہ نشین نے تقریری مقابلوں میں پوزیشن حاصل کرنے والے طلباء میں اسناد تقسیم کیں اور خصوصی دعا فرمائی ، پنڈ دادن خان میں نکالے گئے جلوس کی قیادت حضرت علامہ پیر محمد انور قریشی ہاشمی دامت برکاتہم العالی ، مفتی بشیر احمد کرم اور مولانا عبدالرحمن ضیا نے کی چوک محمدیہ میں بڑا سٹیج لگایا گیا استانہ عالیہ حیدریہ جلال پور شریف کے زیر اہتمام گاڑیوں پر بہت بڑا جلوس نکالا گیا ملیار میں افتاب محمود قاضی اور قاضی محمود الحسن و دیگر کے قیادت میں بہت بڑا جلوس نکالا گیا جس کا اختتام جامع مسجد القمر ملیار میں ہوا جہاں پر خصوصی محفل سجائی گئی احمد اباد میں نکالے گئے جلوس کی قیادت راجہ شاہ نواز علی خان راجہ محمد علی خان ، راجہ شہروز علی خان نے کی جلوس راجہ سکندر علی خان مرحوم ،راجہ ناصر علی خان مرحوم ،راجہ حامد علی خان مرحوم اور راجہ مظہر علی خان مرحوم کی حویلی میں اختتام پذیر ہوا جہاں پر اقا علیہ السلام کی شان میں عقیدت کے پھول نچھاور کیے گئے کندوال میں نکالے گئے جلوس کی قیادت حضرت علامہ محمد صدیق عتیقی ، سابق چیئرمین کندوال ملک امجد اعجاز جھاٹلہ و دیگر نے کی اس کے علاوہ دیگر دیہاتوں اور قصبات میں بھی جشن عید میلاد النبی صلی اللہ علیہ وسلم کے سلسلہ میں انتہائی مذہبی عقیدت و احترام کے ساتھ جلوس نکالے گئے
0
