پنڈ دادن خان گرمی کی شدت سے جھلسہ ہوا زہریلہ چارہ کھانے سے کسان کی پانچ بھینسیں موقع پر ہی ہلاک

پنڈ دادن خان (بیورو چیف ملک ظہیر اعوان)
پنڈ دادن خان کے نواحی گاؤں بگا شریف میں گرمی کی شدت سے جھلسہ ہوا زہریلہ چارہ کھانے سے کسان کی پانچ بھینسیں موقع پر ہی ہلاک ہو گئیں جبکہ 17 مویشی گھر پہنچ کر نیم بے ہوش ہو گئے جن کا بروقت علاج معالجہ کیا گیا جس سے وہ تندرست ہو گئے لیکن بگا شریف کے رہائشی افضل ساھی کا 15 لاکھ روپے سے زائد مالیت کا نقصان ہو گیا
پنڈ دادن خان کے علاقہ بگا شریف کا رہائشی افضل ساھی اپنے مال مویشیوں کو پانی پلانے کے لیے دریائے جہلم میں لے گیا واپسی پر تمام مویشی سخت گرمی سے جھلسی ہوئی جوار کی کھڑی فصل میں داخل ہو گئے سخت گرمی سے جھلسی ہوئی اور بارانی فصل بالکل زہریلی بن چکی تھی جس سے پانچ بھینسیں موقع پر ہی ہلاک ہو گئیں اور باقی مویشی گھر پہنچ کر نیم بے ہوش ہو گئے جن کا فوری علاج معالجہ کیا گیا جس سے وہ جاں بر ہو گئے