پنڈ دادن خان کے علاقہ للہ شریف میں ماٹن روڈ پر دو موٹر سائیکلوں میں تصادم سے دو افراد جاں بحق

پنڈدادنخان(ملک ظہیرا عوان)
پنڈ دادن خان کے علاقہ للہ شریف میں ماٹن روڈ پر دو موٹر سائیکلوں میں تصادم ہو گیا جس سے دو افراد جاں بحق جبکہ ایک خاتون سمیت دو افراد زخمی ہو گئے ، جاں بحق ہونے والے موٹر سائیکل سوار لوڈ ٹریکٹر ٹرالی کو اوور ٹیک کر رہے تھے کہ سامنے سے انے والے موٹر سائیکل سے ٹکرا گئے ، جاں بحق ہونے والے دونوں افراد قریب سے گزرنے والی ٹریکٹر ٹرالی کے نیچے آ کر کچلے گئے
للہ شریف حادثہ میں ریشم خان ساکن ماٹن( ڈھوک کالا خان ) تحصیل کلر کہار موقع پر ہی دم توڑ گیا جب کہ محمد فاروق ساکن للہ شریف( ڈھوک راجیال ) تحصیل پنڈ دادن خان ہسپتال پہنچ کر دم توڑ گیا اور دوسرے موٹر سائیکل پر سوار میانی تحصیل کلر کہار کے رہائشی میاں بیوی سعد منظور اور ثمرہ بتول کواپنی مدد اپ کے تحت رورل ہیلتھ سینٹر للہ شریف پہنچایا گیا لیکن ایمرجنسی میں ڈاکٹر نہ ہونے کی وجہ سے دونوں کا علاج پرائیویٹ ھسپتال سے کروایا گیا جب کہ محمد فاروق نامی شخص ہسپتال میں ڈاکٹر نہ ہونے کی وجہ سے ایڑیاں رگڑتے رگڑتے جاں کی بازی ہار گیا جس پر لواحقین نے شدید احتجاج کیا