پنڈدادنخان (ملک ظہیر اعوان )
ویلفیئر ٹرسٹ جلالپورشریف کے نام سے بنائی گئی رفاعی تنظیم نے گرمی کی شدت میں اضافے کو مدنظر رکھتے ھوئے مختلف مقامات پر ٹھنڈے پانی کے کولر رکھوا دئے ہیں جبکہ ان کی نگرانی کیلئے نوجوان ورکرز بھی موجود ہیں جن کا کام دن بھر کولرز میں سے پانی چیک کرنا اور برف مہیا کرنا ھے تاکہ شدت کی اس گرمی میں لوگ اپنی پیاس بجھا سکیں اہل علاقہ نے ویلفیٸر ٹرسٹ جلالپورشریف کے بانی ممبران سلیم شہزاد بابر، راجہ رضوان ، طارق محمود مغل، عمر وڑائچ ، محمد بوٹا ، انوار احمد ، حمزہ گل اور جاوید ڈار سمیت دیگر تمام شخصیات کو شاندار الفاظ میں خراج تحسین پیش کیا اس حوالے سے گفتگو کرتے ہوۓ معروف سماجی شخصیت چوہدری اقبال گوندل اور معروف صحافی قیصر امجد مغل کا کہنا تھا کہ افرا تفری اور لوٹ مار کے اس دور میں جہاں لوگ اپنے مذموم مقاصد کی تکمیل کیلٸے انسانی ہمدردی کا ڈھونگ رچا کر نام نہاد رفاعی تنظیموں کی أڑ میں لوٹ مار کرتے ہیں وہیں اپنی دنیاوی خواہشات اور ضروریات کو نظر انداز کرنے والے بیرون ملک مقیم ویلفیٸر ٹرسٹ جلالپورشریف تمام بانی ممبران اور گراٶنڈ پر موجود تمام ورکرز اور ممبران کو ہم سلام پیش کرتے ہیں اور ہم مقامی سطح پر موجود مخیر حضرات اور بزنس مین کمیونٹی سے اپیل کرتے ہیں کہ خدمت انسانیت کے جذبے سے سرشار نوجوانوں کی اس تنظیم کے ساتھ جس قدر ممکن ھوسکے تعاون کریں اور کندھے سے کندھا ملاٸیں تاکہ بیواٶں اور مستحق افراد کی امداد مزید بہتر طریقے سے ممکن بناٸی جاسکے ہماری دعا ھے کہ خدا تعالیٰ اس تنظیم کے ساتھ منسلک تمام افراد کو سدا سلامت رکھے اور ویلفیئر ٹرسٹ جلالپورشریف دن دگنی رات چگنی ترقی کرے۔
0
