جلالپورشریف (ملک ظہیر اعوان )
ملکوال میں پولیس مقابلہ تھانہ جلالپورشریف کا اشتہاری بدنام زمانہ گینگ ہیڈ نثار عرف سارو ساتھی سمیت جاں بحق ۔ تفصیلات کے مطابق تھانہ جلالپور شریف کو متعدد مقدمات میں مطلوب بدنام زمانہ گینگ نثار عرف سارو ساتھی سمیت جاں بحق ملزمان مبینہ طور پر چند روز قبل پننوال میں ڈکیتی کے دوران فہد نامی نوجوان کو قتل کر کے فرار ہو گئے تھے ۔ گرفتار ملزم کی نشاندھی پر تھانہ جلالپور شریف پولیس نے منڈی بہاؤالدین کے علاقہ ملکوال میں ریڈ کیا ملزمان نے پولیس پارٹی پر فائرنگ کر دی جس سے پولیس کانسٹیبل ذیشان زخمی ھو گیا ۔ ڈکیت گینگ ہیڈ نثار عرف سارو اور عدنان مبینہ طور پر اپنے ہی ساتھیوں کی فائرنگ سے جاں بحق ھو گئے ۔ ڈی ایس پی پنڈ دادنخان عامر شاہین گوندل اور ایس ایچ او تھانہ جلالپور شریف عبدالرحمن اور ان کی ٹیم موقع پر موجود تھے جبکہ ڈی پی او جہلم ناصر محمود باجوہ آپریشن کی خود نگرانی کر رہے تھے ۔ پولیس کی کامیاب کارؤائی پر سماجی حلقوں نے زبردست خراجِ تحسین کیا ۔
0
