پنڈدادنخان کے محلہ اسلامیہ سکول میں محکمہ سوئی گیس کی غفلت ولاپرواہی سے آگ بھڑک اٹھی،

پنڈ دادن خان( بیورو چیف ملک ظہیر اعوان )
پنڈدادنخان کے محلہ اسلامیہ سکول میں محکمہ سوئی گیس کی غفلت ولاپرواہی سے آگ بھڑک اٹھی، ریسکیو 1122پنڈ دادن خان کی ٹیم موقع پر پہنچ گئی اور آگ کو بروقت قابو پا لیا۔پنڈدادنخان شہر میں چالیس سال پرانی گیس پائپ لائن خطرناک صورت اختیار کر چکی ہے جگہ جگہ سے لیکیج یہ لائنیں کسی بھی وقت اندوہناک واقعہ کا سبب بن سکتی ہیں
پنڈدادنخان محلہ اسلامیہ سکول کے پاس سوئی گیس کی لیکیج کے باعث اچانک آگ بھڑک اٹھی ۔ جس پر ریسکیو 1122کی ٹیم بھی موقع پر پہنچ گئی اور آگ پر قابو پالیا ، مگر اب بھی سوئی گیس کی لیکیج کے باعث انتہائی بد بو پھیلی ہوئی ہے جو کہ کسی بھی حادثے کا موجب بن سکتی ہے۔ معمولی آگ کا ہلکا سا شعلا یاسگریٹ کا ٹکڑا بھی اس کے لئے خطرناک ثابت ہو سکتا ہے اہلیان شہر دادن خان کا مطالبہ ہے کہ گیس لائن کو فوری مرمت کیا جائے تاکہ کسی جانی اور مالی حادثے سے بچا جا سکے۔