ہمدم ویلفیئر سوسائٹی کسلیاں کی طرف سے اگلے تین چار روز میں یتیم اور نادار بچوں میں جرسیاں ،جرابیں اور شوز تقسیم کیے جائیں گے

پنڈ دادن خان( ملک ظہیر اعوان) آؤ مل کر یتیم اور نادار بچوں کو سردی سے بچائیں تحصیل خان کے سرکاری سکولوں اتھر, ملیار اور احمد آباد کے بعد کوڑہ، چوران, گولپور اور بھیلوال کے سرکاری سکولوں میں ہمدم ویلفیئر سوسائٹی کسلیاں کی طرف سے اگلے تین چار روز میں یتیم اور نادار بچوں میں جرسیاں ،جرابیں اور شوز تقسیم کیے جائیں گے…
تحصیل پنڈدادن خان کے سرکاری سکولوں میں آج بھی بہت سے یتیم اور نادار بچے آپ کی مدد کے منتظر ہیں 22 نومبر 2023 کو ہمدم ویلفیئر سوسائٹی کسلیاں کے پلیٹ فارم سے اتھر ,احمد آباد اور ملیار کے سرکاری سکولوں میں تقریباً 150 یتیم اور نادار بچوں میں جرسیاں اور شوز تقسیم کیے گئے ٹیم ہمدم کے صدر محمد سہیل تاجک کا کہنا ہے کہ آج بھی تحصیل پنڈدادن خان کے اردگرد دیہاتوں میں جتنے بھی سرکاری سکول ہیں وہاں درجنوں بچے اور بچیاں سردی کے اس موسم میں بھی گرم جرسی اور شوز سے محروم ہیں محمد سہیل تاجک کا کہنا ہے کہ جب تک ہم فیلڈ میں نہیں نکلیں گے تو ہمیں احساس نہیں ہو گا کہ آج بھی کتنے یتیم اور نادار بچے آپ کی مدد کے منتظر ہیں اتھر, احمد آباد اور ملیار کے سکولوں سے یتیم اور نادار بچوں کی چند تصویری جھلکیاں جسے دیکھ کر حقیقت کو جھٹلایا نہیں جا سکتا. آؤ مل کر یتیم اور نادار بچوں کو سردی سے بچائیں زیادہ نہیں تو ایک یتیم بچے کی ذمہ داری ضرور لیں