پنڈدادنخان(ملک ظہیر اعوان) مسلم لیگ نون کی قیادت نااہل امیدواروں کی بجائے علاقے کی فلاح و بہبود کے لیے آواز اٹھانے والے امیدواروں کو ٹکٹ جاری کرے گی حلقہ این اے 61 جہلم میں اب تک جو قیادت عوام پر مسلط رہی وہ عوام کی خدمت نہیں کر سکی اور یہ علاقہ کھنڈرات کا منظر پیش کر رہا ہے ٹکٹ کا فیصلہ لاہور بیٹھ کر نہیں علاقے کے حالات دیکھ کر کیا جائے گا ہم پارٹی ڈسپلن کے اندر رہ کر کام کر رہے ہیں ابھی ٹکٹ کسی کو جاری نہیں ہوا پارٹی سوچ سمجھ کر ٹکٹ تحقیقات کے بعد جاری کرے گی ٹکٹ جاری کرنے کا جھوٹا پروپیگنڈا کر کے عوام کو گمراہ کیا جا رہا ہے ہم تمام امیدوار پارٹی ڈسپلن کے پابند ہیں ان خیالات کا اظہار مسلم لیگ نون کے قومی اسمبلی کے ٹکٹ کے امیدوار چوہدری عابد جوتانہ نے پانچ دیگر امیدواروں کے ہمراہ جو تانہ ہاؤس پنڈ دادن خان پر مشترکہ پریس کانفرنس کرتے ہوئے کیا تفصیلات کے مطابق مسلم لیگ نون کے قومی اسمبلی کے ٹکٹ کے امیدوار سابق تحصیل ناظم چوہدری عابد جوتانہ، کرنل سید زاہد حسین شیرازی ،سابق ڈسٹرکٹ ناظم جہلم اور مسلم لیگ نون کے ضلعی نائب صدر راجہ قاسم علی خان، سابق تحصیل ناظم راجہ افتخار احمد شہزاد ، چوھدری ناصر جاوید وڑایچ کے ہمراہ تحصیل پریس کلب رجسٹرڈ اور سالٹ رینج پریس کلب کے اراکین کے اعزاز میں ظہرانے کے موقع پر مشترکہ پریس کانفرنس سے خطاب کرتے ہوئے کیا انہوں نے کہا کہ نااہل قیادت 16 ماہ کے اندر کوئی ترقیاتی کام نہ کرا سکی جبکہ دوسرے حلقوں میں مسلسل تعمیراتی کام ہو رہے ہیں للہ انٹرچینج تا پنڈدادنخان جہلم دو رویہ سڑک کے کام کی بندش کی وجہ سے لاکھوں افراد پریشان ہو رہے ہیں ناہل قیادت اعلی حکام تک تحصیل پنڈدادنخان کے مسائل پہنچانے میں بری طرح ناکام ہو چکی ہے عوام گونگی بہری قیادت سے مایوس ہو چکی ہے ہم سب امیدواروں کا مقصد علاقے کی فلاح و بہبود ہے اور ہم سب اسی مقصد کے لیے اکٹھے ہوئے ہیں خواب دیکھنے پر کوئی پابندی نہیں پارٹی ہائی کمان میرٹ دیکھ کر ہی ٹکٹ جاری کرے گی یہ لوگ 18 ماہ تک صرف فوٹو سیشن ہی کرتے رہے تحصیل کے اہم ترین مسائل دو رویہ سڑک، ٹیکسلا انجینئرنگ یونیورسٹی، ٹراما سنٹر ٹوبھہ ،جلال پور خوشاب نہر اور پانی کے مسائل کی طرف توجہ نہیں دی گئی ہم کوئی نواب یا چوہدری نہیں عوامی نمائندے چاہتے ہیں ہمارا گروپ ایک مضبوط گروپ ہے انے والے انتخابات میں بھی اور بلدیاتی انتخابات میں بھی ہم انشاءاللہ ایک ہوں گے ہم تمام امیدوار حلقے کی تعمیر و ترقی کے لیے یکجان ہیں پریس کانفرنس میں مسلم لیگ نون سے تعلق رکھنے والے دیگر رہنماؤں نے بھی شرکت کی تحصیل پریس کلب رجسٹرڈ پنڈدادنخان کے چیرمین حکیم سید اختر علی شاہ بخاری اور صدر ملک ظہیر احمد اعوان کی قیادت میں تحصیل پریس کلب رجسٹرڈ کی پوری ٹیم سالٹ رینج میڈیا کلب کی طرف سے چوہدری سلیم باگڑی کی قیادت میں ان کی ٹیم نے شرکت کی
0
