الفلاح فاونڈیشن کے زیر اہتمام فری میڈیکل کیمپ کا انعقاد

دینہ (رضوان سیٹھی سے) الفلاح فاونڈیشن کے زیر اہتمام فری میڈیکل کیمپ کا انعقاد، سینکڑوں مریضوں کا فری چیک اَپ اور ادوایات دی گئیں، کیمپ کا افتتاح سردار ذوالفقار حیات خان امید وار پاکستان پیپلز پارٹی حلقہ این اے 55اٹک اور حافظ غلام قادری نے کیا۔ تفصیلات کے مطابق الفلاح فاونڈیشن کے زیر اہتمام ملک بھر میں فری میڈیکل کیمپ کا انعقاد کیا جا رہا ہے، جس کی نگرانی شیخ سلسلہ عالیہ حضرت امیر عبدالقدیر اعوان مد ظلہ العالی خود فرماتے ہیں، گزشتہ روز پٹھان کوٹ بہلول تحصیل فتح جنگ ضلع اٹک میں فری کیمپ کا انعقاد کی گیا، کیمپ کا افتتاح سردار ذوالفقار حیات خان امیدوار پاکستان پیپلزپارٹی حلقہ این اے 55 اٹک اور صاحب مجاز محترم حافظ غلام قادری نے کیا، کیمپ میں ڈاکٹر چائلڈ سپیشلسٹ، سکن سپیشلسٹ اینڈ میڈیکل سپیشلسٹ شامل تھے، کیمپ میں سینکڑوں مریضوں کا فری چیک اَپ اور ادوایات دی گئیں، کیمپ کے انعقاد پر مریضوں کا الفلاح فاونڈیشن کو ڈھیروں دعائیں دیں۔