چوہدری فوادکی خالہ،چوہدری شہبازکی ہمشیرہ،فرخ الطاف کی پھپھوکی رسم قل اداکردی گئی

دینہ (رضوان سیٹھی سے) وفاقی وزیر سائنس ٹیکنالوجی فواد چوہدری کی خالہ صاحبہ، سابق وفاقی وزیر بہبود آبادی چوہدری شہباز حسین کی ہمشیرہ اور ایم این اے چوہدری فرخ الطاف کی پھپھو صاحبہ کی رسم قل لدھڑ دینہ میں ادا کر دی گئی، ڈسٹرکٹ پولیس آفیسر سمیت اہم شخصیات کی شرکت، مرحومہ کی درجات بلندی کے لئے خصوصی دعائیں۔ تفصیلات کے مطابق وفاقی وزیر سائنس ٹیکنالوجی فواد چوہدری کی خالہ صاحبہ، سابق وفاقی وزیر بہبود آبادی چوہدری شہباز حسین کی ہمشیرہ اور ایم این اے چوہدری فرخ الطاف کی پھپھو صاحبہ، ایڈیشنل ایڈووکیٹ جنرل پنجاب،چوہدری فیصل،چوہدری سرفراز کی خالہ اور چوہدری فوق شیر باز کی پھپھو صاحبہ گزشتہ روز لدھڑ دینہ میں انتقال کر گئیں تھیں، مرحومہ کی رسم قل آبائی گاؤں لدھڑ دینہ میں ادا کی گئی، جس میں ڈسٹرکٹ پولیس آفیسر جہلم شاکر حسین داوڑ، ایم پی اے چوہدری ظفر اقبال، چوہدری اویس، چوہدری محمد انور، تحصیلدار منیر خان، رضوان سیٹھی، چوہدری محمد افضل سمیت علاقہ بھر کی کثیر تعداد نے شرکت کی، خصوصی خطاب و مرحومہ کی درجات بلندی کے لئے پیر سید عطااللہ شاہ بخاری نے دعا کروائی۔