ڈیرہ اسماعیل خان کے علاقے درہ زندہ میں آئل گیس کمپنی پر دہشتگردوں نے حملہ کردیا۔ ڈیرہ اسماعیل خان میں آئل گیس کمپنی پر حملے سے ڈیوٹی پرمامور دو پولیس اہلکار شہید اور تین زخمی ہوگئے۔ زخمیوں اور میتوں کو فوری طور پر اسپتال منتقل کردیا گیا ہے۔
ڈی آئی خان کے علاقے میں درہ زندہ میں آئل گیس کمپنی پر نامعلوم ملزمان کے حملے کے دوران وہاں دو پولیس اہلکار شہید اور تین زخمی ہوگئے۔
ڈی ایس پی اصغر علی کے مطابق کمپنی کیمپ پر پولیس کی بھاری نفری تعینات تھی۔ زخمیوں اور میتوں کو فوری طور پر اسپتال منتقل کردیا گیا ہے۔ پولیس کا کہنا ہے کہ حملہ آور ملزمان کی تلاش جاری ہے۔
