پٹرولنگ پولیس چوکی للہ موڑ نے اشتہاری ملزم گرفتار کر لیا

پنڈدادنخان ( ملک ظہیر اعوان) پٹرولنگ پولیس چوکی للہ موڑ نے اشتہاری ملزم گرفتار کر لیا۔ پٹرولنگ پولیس چوکی للہ موڑ چیک پوسٹ کے انچارج محمود الحق سب انسپکٹر کی زیر نگرانی ٹیم کے ممبران سب انسپکٹر راجہ زیشان علی, اسسٹنٹ سب انسپکٹر شیخ رستم عباس , اور شیخ عقیل حسین نے جدید تیکنیکی وسائل کو بروئے کار لاتے ہوئے سرگودھا ضلع کے مشہور زمانہ انتہائی مطلوب مجرم اشتہاری جاوید اقبال ولد محمد رمضان سکنہ بھلوال جو کہ 2020 میں مظفر گڑھ میں متعدد آٹا چکیوں کے مالکان کو گندم سبسڈی کا جھانسہ دیکر 1کروڑ 72 لاکھ روپے کا فراڈ کر چکا ہے کو گرفتار کر لیا
سماجی حلقوں نے پٹرولنگ پولیس کی کارکردگی کر سراہتے ہوئے خراج تحسین پیش کیا۔