پیر محمد مطلوب الرسول رحمۃ اللہ علیہ کے مزار مبارک پر آپ کے ایصال ثواب کے لئے محفل کا انعقاد کیا گیا

پنڈدادنخان (ملک ظہیر اعوان) خامس حضرت صاحبزادہ الحاج الحافظ پیر محمد مطلوب الرسول رحمۃ اللہ علیہ کے مزار مبارک پر آپ کے ایصال ثواب کے لئے محفل کا انعقاد کیا گیا جس کی صدارت سجادہ نشین آستانہ عالیہ للہ شریف حضرت صاحبزادہ پروفیسر محمد نعیم الرسول دامت برکاتہم العالیہ نے فرمائی جبکہ تقریب کے چیف گیسٹ حضرت صاحبزادہ حسنات الرسول مدظلہ العالی ،صاحب زادہ محمد علیم الرسول عارف اور پیر شہباز للہ شریف تھے تقریب کا باقاعدہ آغاز تلاوت کلام پاک سے ہوا آقا علیہ السلام کی شان میں عقیدت کے پھول ABN نیوز کے نعت خواں قاری محمد اکرام نقشبندی للہی اور قاری ظفر للہی نے نچھاور کیے اس موقع پر خطاب کرتے ہوئے صدر منہاج القرآن علماء کونسل تحصیل پنڈدادنخان علامہ محمد سرفراز مصطفوی نے کہا کہ اللہ تعالی کا حکم ہے کہ اپنے آپ کو ان لوگوں کے ساتھ روکے رکھ جو صبح و شام اپنے رب کو پکارتے رہتے ہیں اس کے مکھڑے کے طلبگار رہ کر اپنی نظریں ان سے نہ ہٹا ورنہ دنیا کی کشش میں گم ہوجائے گا محفل میں خصوصی شرکت بیوروچیف اوصاف پنڈدادنخان ملک ظہیر اعوان ،غلام شبیر چدھڑ ،قاری محمد احسان ، محمد حمید للہی اور انوارللہی نے کی تقریب کے اختتام پر قاری محمد یوسف نے ختم شریف پڑھا اور حضرت صاحبزادہ پروفیسر محمد نعیم الرسول دامت برکاتہم العالیہ نے عالم اسلام کے لیے خصوصی دعا فرمائی